சுரன் போர்.

நானெனும் பெருவாணவம்தனைச் சூரனாய்ச் சிரமேந்தினான்.

ஊனமேயது கேடுதானென ஓதுஞானம் அறிந்திடான்

வானமேயது எல்லையேயென வகுத்துவாட்சி புரிவதாய்

கூனலாய் மனங்கோணலாய்க் கொடுங்கோலனாய் சூரன்மாறினான்;

-அவன் -

ஆணவம்தனை கூறதாக்கவே வேலவன் வேலேந்தியே

ஞானமொன்றிய வேலினால்சூர னாணவம் வதமானதே..

பாரிலேயுள பக்தரும் தமதாணவம் தனைநீக்கவே

பாடமாயொரு போர்நடந்தது பார்த்துநாம் திருந்தவே..

-பொன்னையா இராசா..